China é unha potencia mundial en producción ao mesmo tempo que un macromercado de máis de 1.000 millóns de persoas que cada vez son máis exixentes. Pensar en competir con China en rotación e custos é practicamente unha batalla perdida. Con esta potencia mundial, entre outras variables, só se pode competir con I+D+i (Investigación + Desenvolvemento e innovación). Unha empresa que utilice a ciencia e o pensamento científico para o desenvolvemento dos seus productos e servicios poderá facerse cun importante segmento de mercado en China.

Ante este escenario os empresarios-as galegos podemos plantexarnos, en termos xerais, dúas posibilidades estratéxicas. Desmantelar en Galiza as nosas fábricas e montalas en China para competir con mellores marxes e máis rotación no mercado europeo e galego, ou penetrar no imponente mercado chinés. Temos que traer á economía das nosas empresas e á economía de Galiza os investimentos chineses. Isto quer dicer que os empresarios/as galegos temos ???c??A a obriga de pensar en clave económico-galega. Os empresarios/as galegos temos a obriga de ser nacionalistas.

A doctrina sin práctica de pouco serve. Pois ben. O pasado xoves 27 de novembro asinouse en O Porriño, diante do alcalde D. Raúl Francés o primeiro acordo de venda exclusiva da empresa Xoane, fábrica de mobles de cociña cun forte compoñente en I+D+i, cun importante grupo financieiro chinés. Os chinos mercarán as nosas cociñas. Todo foi posible porque en Galiza xurde unha nova firma de capital galego que ten implantación diaria en China e levará en pouco tempo a empresas de sectores estratéxicos de Galiza a conquista do mercado chinés.