Após a solicitude realizada pola Fundación Enclave e moi especialmente coa axuda inxente do concelleiro do BNG nesta vila Ramón Caamaño, o Concello de Lousame acaba de colocar unha placa nos xardíns da Casa do Concello, sito no lugar de Portobravo, na honra do poeta Antón Avilés de Taramancos, nado na viciña vila de Noia.

Concretamente, foi na tardiña do pasado venres 14 de Maio cando tivo lugar o acto público de inauguración da placa.

A Fundación continúa traballando para que nos vindeiros meses se sigan a producir actos deste tipo como homenaxe ao noso compañeiro Antón Avilés en máis pontos da xeografia galega.