Após a atitude impresentábel co uso do galego do Alcalde de Vigo durante a reunión acordada coa Fundación Enclave para demardarmos-lle a concesión do nome dunha rua ou praza da cidade á figura de Antón Avilés de Taramancos, atitude que tivo como consecuéncia imediata a suspensión do encontro, a Fundación non se deu por vencida e segue a traballar, noutros ámbitos, para acadar o seu obxectivo.

A Fundación non vai dar por perdida a oportunidade que o ano adicado pola RAG a Antón Avilés de Taramancos nos dá de acadar que Avilés teña presencia no rueiro de Vigo. Posteriormente ao Plante a Ventura, solicitou-se oficialmente através do Rexistro do Concello a concesión dunha rua ao gran poeta noiés; poeta que non esquezamos foi fundador e militante até a sua morte de Esquerda Nacionalista.

A solicitude de rua para Avilés contou desde un primeiro momento coa colaboración e o apoio do Concelleiro de Cultura, o compañeiro Santiago Dominguez. Agardamos desde Esquerda Nacionalista que o antes posíbel frutifiquen as xestións encetadas e Vigo teña a honra de contar como outras vilas e cidades galegas xa o teñen, cun espazo público en memória do compañeiro Antón Avilés de Taramancos.