Biblos, que naceu en Marzo do ano pasado e conta xa cuns 1.300 socios dentro e fóra de Galiza, é un clube que tenta aschegar aos seus membros información puntual de todo canto se edita en Galiza e das novidades nos eidos da música e do cine, así como do máis salientábel do mercado portugués e dos países lusófonos.

Para iso conta cunha publicación bimestral de gran calidade, de 32 ou máis páxinas, e dunha páxina web (www.biblosclube.com) nas que se dá conta ademais das actividades culturais que promove Biblos.

A mecánica é moi sinxela: o socio paga unha cota anual de 15 euros que lle dá dereito a recibir os seis exemplares anuais da revista e a favorecerse de todas as ventaxas do clube, como por exemplo os descontos que actualmente ten na cadea de hoteis AC. O socio, que cada bimestre debe facer un pedido da revista correspondente ou do fondo ofertado nas anteriores, recibe co pedido, de balde, un exemplar da nosa colección Mandaio, moi interesante pola selección de temas e autores (Fernández Naval, Lois Diéguez, Isidro Novo, Taxes, García-Bodaño, Pinto & Chinto, Emma Pedreira, Martínez Oca, Pepe Coira, Ángel de la Cruz...) e cunha coidada encadernación en tapa dura. A maioría dos libros ofrécense co 5% de desconto que permite a lei, e os portes de envío corren por conta de Biblos dentro do Estado sempre que o pedido supere os 9 €.

Faite socio/a de Biblos! Fai País!