A Fundación Enclave constitúese como Fundación de interese galega sen ánimo de lucro promovida pola asociación política Esquerda Nacionalista, inscrita no Libro de Inscripcións do Rexistro de Partidos Políticos do Ministerio de Interior. Tenta ser un foro aberto, de pensamento, debate e formación, onde contribuír ao desenvolvemento pleno das potencialidades da Nación mediante o artellamento da sociedade civil e a súa participación plural e democrática. En definitiva, é unha fiestra aberta ao progreso e ao cambio para o benestar do pobo galego. Conta con personalidade xurídica propia e capacidade xurídica para obrar nos términos previstos pola lei. Pode contratar e abrigarse, así como exercitar xudicial e extraxudicialmente os dereitos e acción que lle competen de acordo coa lexislación vixente.

Declarada Fundación de Interese Galego por Orde da Consellería de Cultura, Comunicación Social e Turismo o 25 de Xaneiro de 2001, está inscrita no Rexistro Único de Fundacións de Interese Galego co número 2000/24.

A Fundación Enclave, estatutariamente, ten por obxecto:

• O fomento e realización de actividades culturais que teñan por fin o estudo e desenvolvimento do pensamento político, social, económico e cultural de Galiza.
• Fomentar o estudo e a investigación en matéria de formación da cidadania galega.
• Colaborar no estudo das necesidades de formación e cualificación da colectividade galega en función das demandas sociais, do desenvolvimento rexional, tecnolóxico e económico.
• Prestar atención especial ao estudo e formación dos sectores sociais desfavorecidos, con necesidades especiais ou de integración, co fin de conseguir un progreso social e solidário para os galegos.
• Difundir o pensamento político daquelas persoas e entidades que traballan, dentro da legalidade vixente, pola consecución da soberania da Nación Galega, o progreso social e a profundización da democracia na perspectiva de acadar unha sociedade galega e mundial máis libre, xusta e solidária.
• Promover o coñecimento na sociedade da personalidade nacional de Galiza e da sua história impulsando o seu estudo e a sua proxeción pública.
• Profundar no coñecimento da realidade galega na sua dimensión política, social, cultural e económica.
• Aumentar a formación política dos cidadáns, profundar no debate político e impulsar a sensibilización e conscienciación da sociedade sobre a realidade e problemáticas próprias da nación galega e a visión do mundo desde unha perspectiva nacional galega.

Para o cumprimento dos obxectivos devanditos, a Fundación Enclave poderá desenvolver as seguintes actividades:

• Organización de cursos, conferéncias, colóquios, congresos e seminários de estudos.
• Criazón de grupos e equipas de traballo.
• Impartir en solitário ou en colaboración con outras entidades, actividades e cursos relacionados coa formación e as necesidades de cualificación da cidadania galega.
• Promover investigacións, estudos e actividades tendentes a coñecer e difundir as necesidades actuais e futuras en matéria de formación.
• Edición, redacción e subvención de publicacións e outros materiais.
• Organización dun arquivo do nacionalismo galego e do pensamento político e social de Galiza.
• Promoción, organización e realización de exposicións, actividades públicas e campañas de imprensa, rádio e televisión coa intención de difundir os obxectivos fundacionais.
• Dar axuda e soporte a persoas físicas ou xurídicas, públicas ou privadas, que compartan os obxectivos da Fundación, através de subvencións, becas, encargo de estudos, estabelecimento de prémios e calquer outra forma no marco da legalidade vixente.